| | 終於都有時間寫xanga啦^.^
上個星期六同城, 牛, Tina, 蔡, Irene and Tina哥^.^ 去了珠海玩, 真係好好玩, 好似好耐無玩得咁開心啦。首先去澳門, 再過去珠海。到了珠海後先去食lunch, 推介有水晶雞同鐵板茄子。跟住就係重點遊戲之一-----小型賽車。因為係第一次玩,所以超期待^.^玩第一round時全部人一齊玩, 炒了幾次車,仲有連環相撞XDDD玩完之後覺得唔夠喉, 結果就男仔再玩多round, 女仔休息。今次就再玩得狼D, 係咁衝, 一直甩尾, 最快圈速比上一round快了十多秒, 超開心。我覺得本來可以再玩多一圈, 但係比另外一個唔識既人係前面頂住, 開得慢又要係正中間。玩完之後比d friends話當我比人阻住既時候,見到我好嬲,就快講粗口咁, 真係估唔到戴左頭套, 頭盔都見到我嬲, 真厲害。不過真係好好玩, 仲要好平, 三十元十分鐘。玩完之後就去了按摩,都係好平,三十元一小時。再之後食dinner,食左九味菜,其中推介水果薄餅同鮑魚........菇,真係好好味,仲有叫條魚,埋單每人唔駛六十元, 真係好扺。食完同Tina哥道別後就去Tina屋企玩,學打麻雀同數番,又玩改版非洲話事啤,玩得好開心,就係咁就玩成日^.^去到第二日就因為時間問題玩得較為趕。食lunch時又再玩改版非洲話事啤,好好笑, lunch又係好平,六個人,一百元有找。食完去澳門,去了金莎,睇人玩左陣就走去漁人碼頭玩,影左好多相^.^之後就要走lu>.<最後當然由嬴錢既人請食野laXDDD
成個旅程都好好玩, 依家諗番都仲覺得好開心, 最美中不足就係落雨同時間唔夠,真係希望可以好快就再去玩多次^.^ 返工方面並不順利, 做得太太太僈了 另外唔知係唔係寸Tina同牛唔見電話既報應, 我既手提竟然壞了>.<.... |
